Hversdagslega eru sumir okkar þjakaðir af stressi, stöðugu áreiti og metnaði. Við lifum við mikið álag og tímaskort og göngum óafvitað fram hjá þeim sem eru okkar meðbræður.

Það þarf að finna jafnvægi milli efnislegra og andlegra verðmæta. Við viljum gera eitthvað með þetta ástand okkar - gera eitthvað með okkur sjálfa. Við teljum að Reglan okkar hjálpi okkur við það. Stúkan vinnur að því að þroska lífsviðhorf félagsmanna sinna, er mun færa þeim frið, öryggi og samhljóm.

Kjarninn í kenningum okkar er bróðurkærleikur. Bræðurnir í Reglunni bindast sterkari böndum gegnum fundartextana og leggja rækt við samstöðu og vináttu. Við erum hvattir til að vinna með sjálfa okkur að því að verða betri manneskjur.